Programme TV des représentants tunisiens au second tour additionnel retour de la Coupe de la Confédération

جلال القادري, التابع المطيع لسيدو الجريء و سيدو جنيح، تعدى للخباثة من فوق...

بعد فضيحة دعوة أربعة حراس في مجموعة ما تفوتش 16 لاعب، و بعد ما طبق تعليماتو اسيادو و هز زوز حراس فضيحة، دورها توا خبث و تلميحات على الترجي... قالك شؤون داخلية في الترجي خلاتو ما يهزش الدبشي... طبعا التابع المطيع، يلمح على غياب الدبشي في أول مباراة في موسم السنا.. هكا، بكل وقاحة، السيد أعطى لنفسو عذر لدعوة العاهات البلبولي و حسن، و إقصاء الدبشي، و في نفس الوقت طيش الكورة عند إدارة الترجي و مدربها...
الدبشي 23 سنة، اساسي في 16 ماتش على 17 لعبتهم الترجي، حارس ثالث للمنتخب في ثلاثة مناسبات اخيرة (مباريات ترشيحية لكأس افريقيا؛ مباريات كيرين كاب في اليابان، مباريات ودية ضد كل من البرازيل و جزر القمر)، يتم اقصاؤه، و يتم استدعاء:
البلبولي 38 سنة، اخر مرة في المنتخب صارتلو في 2019، عدى سيزون الي فاتت كاملة عالبنك و الجمل اساسي، اعتزل اللعب، و رجع السنا لعب 4 مباريات كهو، كلا فيهم 3 بونتو منهم بونتو فضيحة ضد البقلاوة، يلقى روحو ماشي لكأس العالم
معز حسن، بعد فضيحة الثلاثة بونتو الي كلاهم عمناول في صفاقس شد البنك في العشرة مباريات الأخيرة في السيزون الي فاتت، السنا لعب 3 مباريات منهم واحد برك ضد فريق باهي (يونغ افريكان)، عندو عام ما تمش استدعاؤو للمنتخب، يلقى روحو ماشي لكأس العالم...
تصريح القادري هي حركة خبيثة، يحاول بيها من جيهة يبرّئ روحو و اسيادو الجريء و جنيح سرطانات الكرة التونسية، و من جهة ثانية يخلق مشكلة بين جمهور الترجي و ادارتو و مدربو...
يا قادري، يا خادم اسيادك، انت كاذب و سفيه كعادة امثالك... لو جيت بالحق موضوعي، غياب الدبشي على مباراة واحدة عمرو ما يكون سبب لمدرب باش يقصيه... و خاصة عمرو ما يكونو معوضيه زوز من افشل الحراس في تونس الي تعرف بكلها انك هزيتهم انبطاحا للجريء و جنيح و النكتة الاكبر بومنيجل مدرب الحراس..
يا قادري، جمهور الترجي و هيئتو و مدربو ما يحترموش التابعين عديمي الشخصية
يا قادري، في احلى احلامك و احلام اسيادك، ما تتوقعش من جمهور الترجي يدور على هيئتو و مدربو من أجل لاعب مهما كان اسمو... و ما تتوقعش انو تصريحك هذا باش ينسي الناس في الحقيقة الوحيدة: هي انك مجرد منفذ تعليمات و ما تستحقش تكون ناخب وطني
يا قادري يا عديم الشخصية، الدبشي أولى من الفاشلين الي هزيتهم للسعودية، هذي حقيقة لا جدال فيها، و مكانو في الترجي، حاجة ما تعني الا الترجي و مدربو و هيئتو و جمهورو، و هاو هيئة الترجي اعطاتك الاذن، تكلم و خرجلنا كذبة أخرى يا عديم الشخصية...