Programme des rencontres amicales internationales de lundi

عيب ان مباراة الموسم تلعب دون جمهور..جماعة شادة مناصب في الرابطة و الجامعة هدفها تحطيم ما تبقى من الكرة التونسية

مباراة الموسم باش تتلعب ويكلو !!
التحطيم الممنهج لكرة القدم التونسية ، مباراة مهمة وفيها رهان على البطولة باش تعمل نسب مشاهدة عالية في كامل العالم العربي وحظور جماهيري متميز ودخلة وعرس كروي .. تجيك الرابطة المنحرفة وتقرر أنها تتلعب ويكلو ، ما تنجمش تقنعني أن أعضاء هذه الرابطة محايدين خاطر ما فماش أحداث تطلّب أن هذه المباراة لازم تتلعب ويكلو وما فماش تونسي محايد يرضى لمباريات مهمة كيف هذي انها تتلعب ويكلو بدون أسباب تستحق!!
جميع الروابط الرياضية في في تونس تخدم ضد مصلحة الرياضة ، على سبيل المثال رابطة كرة اليد علاش يلعبوا في بطولة تونس على شكل نهائي كأس ؟؟ خاطر موازين القوى متباعدة والترجي متفوق ولازم يلقاو حل لإحداث المفاجأة وإهداء البطولة لفريق لا يستحق ، خاطر الناس لكل تعرف لي على مباراة فاصلة تنجم تحدث المفاجأة والترجي في كل موسم يكون هارب على أقرب منافسيه ب20 نقطة وفي اخر الموسم يلقى روحو يلعب ضد الافريقي على البطولة في مباراة مصيرية ذهاب وإياب !! تنجم تحدث فيه المفاجأة وتنجم تخسر لعدة أسباب : بسبب إصابات أو أخطاء تحكيمية أو ماكش في نهارك ... الخ.. ما عندهمش عقلية الأجدر هو لي يستحق .
في كرة القدم في كل موسم نشوفوا ظلم من الجامعة والرابطة نظام بلاي أوف برزنامة كارثية تتزامن مع الأدوار النهائية لرابطة الأبطال يضروك محليا وقاريا .. والغريب في الأمر الترجي تلعب خارج تونس وبقية الفرق ترتاح علاش الله أعلم .. مع ظلم تحكيمي وكيف الموسم هذا جاء إنسان نظيف يخدم التحكيم عملوا عليه حملات ممنهجة واتهموه بالفساد خاطر ما عطاهمش هدايا وأعضاء الرابطة المحايدين دوروها ويكلو !!
وديما يبكوا ويلعبوا دور الضحية والحمدلله فما رهانات إفريقية وعربية فضحتهم وكشفتهم للعالم أنهم فرق فاشلة ..
على كل حال مهما خططوا ومكروا الترجي لهم بالمرصاد وديما عالبوديوم والحمدلله أن نهاية المنظومة القديمة أيامها معدودة ولازم الوزارة تخدم باش ما تخليش الفاسدين يكونوا على رأس الرابطة والجامعة والترجي دولة